Сите луѓе имаат свое ЈАС.

Тоа ни дава самосвест, способност да знаеме дека постоиме.

Од друга страна, ЈАС е чувството на внатрешен идентитет што го носиме.

Ти што го читаш ова сега, ти си тоа ЈАС.

Но што ќе одговориш ако некој те запраша:

– Кажи ми, кој си ти?

Најверојатно одговорот би бил:
Јас сум човек, маж, татко…
Јас сум програмер, адвокат, доктор, колега…
Јас сум битолчанец, јас сум син на мајка Македонија, шо би се рекло.

И сите овие одговори се вистина.

Тие претставуваат различни идентитети со кои ние се идентификуваме и сето тоа е во ред.

Но дали навистина тоа си ти, или тоа се само улоги што ги играш во животот?

А на кого точно се однесуваат овие улоги?
Има ли некој позади нив?

Токму за ова ќе дискутираме во текстовите што следуваат.