Во главниот текст укажавме како ЈАС гради ментална слика за себе и како потоа почнува да се идентификува со неа.

Преку тој процес, ЈАС постепено го менува својот идентитет и станува ментално битие кое го нарековме Менатлен Јас.

Тука е интересно да се забележи дека цело време ние сме тие што ја градиме менталната сликата, а сепак немаме свесност за тоа.

Немаме, затоа што свесноста се суспендира во моментот кога ЈАС останува заробено во умот, односно во менталната димензија.

И тоа е почетокот на менталната машина, тој бесконечен циклус на размислување.

Додека сме во оваа состојба, ние не знаеме дека размислуваме, едноставно ние сме мислата и тоа е се. Ние сме умот.

Проблемите постојано се редат, еден по друг и никако не намалуваат. Никогаш не завршуваат за да можеме конечно малку да здивнеме, да застанеме, да се одмориме.

Изгледа познато, нели?
Кај сите луѓе е речиси исто!

Најинтересната работа овде е тоа што изворно потеклото на ЈАС е од божествена природа.

Тоа е духовно битие, кое поради недостаток на свесност, си “мисли” дека е нешто друго.
Си мисли дека е Менталниот Јас.

Каков превид!

Овде се случува огромен превид, длабок психолошки феномен, кој кога ќе биде согледан од повисоко ниво на свесност изгледа речиси неверојатно.

Но иако Менталниот Јас е несвесно креиран идентитет, тој не е грешка во човекот, туку е неопходна фаза во еволуцијата на свесноста.

Неговото постоење е апсолутно потребно за природниот тек на човечката еволуција.

Зошто?

Затоа што без него нема да има сепарација.

А без таа сепарација нема да има можност за индивидуализација.

Без индивидуализацијата нема оделување од колективниот ум.

А без одвојување од колективниот ум, нема надминување на менталната реалност.

И конечно, без надминување на менталната реалност, нема слобода.

Слобода.

Дали можеби сето ова е заради слободата?
Дали слободата е целта на духовниот пат?
Дали слободата е тоа што длабоко во себе ја посакува секое човечко битие?

Но слобода од кого?, ќе праша некој.

Слобода од умот.
Слобода од сопствениот ментален идентитет.
Слобода од несвесноста.