Што ако не знам што да кажам?

Не треба да подготвуваш ништо однапред.

-Личната сесија е водена и јас те носам низ целиот процес.
-Тивката сесија е без зборување.

Колку сесии се потребни?

Секој процес е различен и нема универзален одговор.

Кај некои луѓе олеснување се чувствува уште по првата или втората сесија, додека кај други процесот бара повеќе време. Сè зависи од индивидуалната состојба, животните искуства и степенот на потиснати емоции.

Нема притисок, ти одлучуваш.

Дали ова е терапија?

Не.

Ова не е медицински или психолошки третман.
Процесот е насочен кон емоционално ослободување, внатрешна рамнотежа и поголема присутност.

Дали е безбедно?

Да.

Процесот е нежен и се одвива со твоето темпо.
Ништо не се форсира.

Што ако не почувствувам ништо?

И тоа е во ред.

Промените не секогаш доаѓаат како силно искуство.
Понекогаш се појавуваат постепено, како повеќе мир, помалку напнатост или чувство на олеснување.

Што ако сум скептичен?

Тоа е сосема нормално.

Не треба да веруваш во нешто однапред.
Доволно е да бидеш отворен да искусиш.

Што може да се појави во процесот?

Кај некои луѓе може да се појават:

– чувство на ослободување
– повеќе мир или смиреност
– леснотија во телото
– замор или потреба за одмор
– спомени или стари ситуации
– краткотраен немир или чувствителност

Секоја реакција е индивидуална и најчесто е привремена.

На моменти ми доаѓа да плачам. Дали е тоа нормално?

Да.

Понекогаш, кога почнува да се ослободува емоционална тежина, може да се појават емоции како тага или потреба за плачење.

Тоа не е проблем, тоа е дел од процесот.

Дали е во ред ако ми се приспие за време на сесијата?

Да.

Многу луѓе чувствуваат длабока релаксација и им се приспива.
Тоа е сосема нормално.

Дали морам да продолжам со повеќе сесии?

Не.

Една сесија е доволна за да започне процес.
Продолжувањето е избор, не обврска.

Дали треба нешто после сесија?

Во првите 1–2 дена, препорачливо е да си дадеш малку повеќе простор и помирно темпо.

Ако можеш:
– избегнувај непотребни конфликти или стрес
– одмори се повеќе
– пиј повеќе вода
– слушај го телото

Ова не е правило, туку поддршка процесот да тече полесно.